ក្មេងជិះកង់ម្នាក់ ត្រូវបានតាចាស់ទះកំផ្លៀង នឹងឲ្យលត់ជង្គង់សុំទោសតាមផ្លូវ [មានវីដេអូ]

ចិនៈ ខ្សែវីដេអូមួយត្រូវបានគេដាស់បង្ហោះតាមបណ្តាញសង្គមនានា បានបង្ហាញថាក្មេងប្រុសម្នាក់ត្រូវបានគេទះកំផ្លៀង និងបង្ខំឱ្យលុតជង្គង់នៅតាមដងផ្លូវ ពិព្រោះក្មេងប្រុសនោះបានជិះកង់ប៉ះបុរសចំណាស់ម្នាក់ដោយចៃដន្យ។

បើយោងតាមព័ត៌មានពី Sina ហេតុការនេះបានកើតឡើងនៅលើផ្លូវក្នុងទីក្រុង LINQ ខេត្ត Shandong។ ខណៈពេលដែលក្មេងប្រុសកំពុងជិះកង់ទៅសាលារៀន គាត់បានជិះទៅបុកនឹងតាម្នាក់ បណ្តាលឲ្យតានោះរងរបួស។

ក្រោយពីបានបុកហើយ ក្មេងជិះកង់បានធ្វើការសុំទោសជាច្រើនសារចំពោះគ្រោះថ្នាក់នេះ ប៉ុន្តែតាមរយៈវីដេអូបានបង្ហាញថា តាចាស់ម្នាក់នោះមិនព្រមទទួលយកការសុំទោសនេះទេ ហើយបានបង្ខំឱ្យក្មេងប្រុសចុះចេញពីកង់ ហើយបានទះកំផ្លៀងក្មេងប្រុសនោះម្តងហើយម្តងទៀត ព្រមទាំងឱ្យក្មេងប្រុសលុតជង្គង់នៅលើផ្លូវចំពោះមុខអ្នកឈរមើលជាច្រើនដើម្បីបំបាក់មុខក្មេងប្រុសនោះ។

ក្មេងប្រុសជិះកង់ បានទទួចអង្វរនឹងប្រាប់តាចាស់នោះថា “ខ្ញុំសុំទោស ឲ្យខ្ញុំទៅចុះ បើមិនដូច្នេះខ្ញុំនឹងទៅសាលារៀនយឺតជាមិនខាន” ការបង្វរនេះមិនបានធ្វើឲ្យបុរសចាស់ម្នាក់នោះស្ងប់ចិត្តទេ គាត់ថែមទាំងបន្តស្រែកគំហកដាក់ក្មេងប្រុសនោះរហូត។

មហាជនជាច្រើនបានវាយតម្លៃលើអាកប្បកិរិយារបស់បុរសចំណាស់ម្នាក់នោះ និងធ្វើការរិះគន់ចំពោះមនុស្សចាស់ដ៏ទៃទៀតក្នុងសង្គមចិននាពេលបច្ចុប្បន្ន។

ប៉ុន្តែក៏មានមតិខ្លះទៀតបាននិយាយថា “លោកតាម្នាក់នោះគាត់មិនខុសទេ ក្មេងនោះមិនបានគោរពច្បាប់ចរាចរណ៍ ហើយលោកតាក៏អត់បានទារលុយសង់អីដែរ”។

បច្ចុប្បន្នបុរសចំណាស់នេះ ត្រូវបានឃុំខ្លួនដោយប៉ូលិសចោទថាបានបង្កឱ្យមានការរំខាននៅទីសាធារណៈ ហើយការស៊ើបអង្កេតកំពុងតែស្ថិតក្នុងការស្រាវជ្រាវ។

ទស្សនាវីដេអូនេះនេះខាងក្រោម

Schoolboy from Shandong province gets beaten and forced to kneel in the street by the elderly man he accidentally collided with.READ MORE: http://shst.me/ce8
Posted by Shanghaiist on Saturday, October 24, 2015

ប្រភពៈ shanghaiist