ជនជាតិចិនបីនាក់ ត្រូវបានបណ្ដេញចេញពីយន្តហោះខេត្តសៀមរាប

យើងដឹងហើយថា មានភ្ញៀវទេសចរចិនមួយចំនួនពិតជាមានអាកប្បកិរិយាមិនល្អ ហើយពួកគេតែងតែបង្កបញ្ហានៅពេលពួកគេធ្វើដំណើរទៅណាមកណាតាមយន្តហោះ, ដូចជាពេលយប់ថ្ងៃច័ន្ទសប្តាហ៍នេះ មានអ្នកដំណើរចិនបីនាក់ ត្រូវបានសន្តិសុខបណ្តេញចេញពីការហោះហើរពីប្រទេសកម្ពុជា ទៅកាន់ទីក្រុង Chengdu ប្រទេសចិន បន្ទាប់ពីមានជម្លោះយ៉ាងខ្លាំងបានផ្ទុះឡើងនៅលើយន្តហោះ ។

បើយោងតាមសេចក្តីរាយការណ៍ពីក្រុមហ៊ុនពាណិជ្ជកម្មប្រចាំថ្ងៃនៃទីក្រុង Chengdu ការទាស់ទែងគ្នានេះ បានកើតឡើងមុនពេលការហោះហើរពីខេត្តសៀមរាបមកម្ល៉េះ បន្ទាប់ពីមានអ្នកដំណើរប្រុសម្នាក់ អាយុ ៦០ឆ្នាំ បានរាយការណ៍ប្រាប់ថា “គាត់បានខឹងនឹងនារីមិនចេះគិតម្នាក់ដែរអង្គុយនៅពីមុខគាត់ បានរំកិលកៅអីមកក្រោយឆ្ងាញពេក ធ្វើឲ្យគាត់ពិបាកអង្គុយ។”

មិនយូរប៉ុន្មានសង្គ្រាមពាក្យសម្តីបានចាប់ផ្តើមឡើង ដែរជាហេតុនាំឲ្យបងប្អូនសាច់ញាតិ នឹងមិត្តភក្តិរបស់ពួកគេឆ្លោះគ្នាដែរ។ ប៉ុន្តែក៏មានអ្នកជួយឃាត់ និងសំរបសំរួលភាគីទាំងពីរដែរ ដូចជាអ្នកបម្រើលើយន្តហោះ, មគ្គុទេសក៍ទេសចរណ៍ និងអ្នកដំណើរផ្សេងទៀត។

ប៉ុន្តែការសំរបសំរួលនោះមិនសូវជាបានផលទេ ហើយស្ថានភាពឈ្លោះប្រកែកគ្នាកាន់តែខ្លាំងឡើងៗ រហូតមានបំពើហិង្សាកើតឡើង។ ឃើញដូចនោះអ្នកបើកយន្តហោះជនជាតិបារាំង ទីបំផុតបានចាត់វិធានការសម្រេចចិត្ត និងបានស្នើរសុំមន្ត្រីអន្តោប្រវេសន៍ ដើម្បីនាំជនជាតិចិនទាំងបីនោះចុះចេញពីយន្តហោះ ដើម្បីសុវត្ថិភាពរបស់យន្តហោះ និងអ្នកដំណើរដ៏ទៃទៀត។ ជាលទ្ធផលជើងហោះហើរមួយនេះត្រូវបានពន្យារពេលអស់មួយម៉ោង។

នេះគឺមិនមែនជាលើកដំបូងទេ ដែលភ្ញៀវទេសចរចិនមួយចំនួនបានធ្វើឲ្យមានភាពអាម៉ាស់សំរាប់ជនជាតិរបស់ខ្លួន នៅពេលពួកគេដើរកំសាន្តនៅក្រៅប្រទេស ដូច្នេះហើយទើបអាជ្ញាធរទេសចរណ៍របស់ប្រទេសចិន បានចាប់ផ្តើមចងក្រងបញ្ជីខ្មៅសំរាប់គ្រប់គ្រង និងប្រយុទ្ធប្រឆាំងនឹងស្ថានភាពអាក្រក់ៗដែរបង្កឡើងដោយជនជាតិចិនអត់សិលធម៌មួយចំនួន។

ហើយដើម្បីអាចដោះស្រាយបញ្ហានេះបាន ជនជាតិចិនទាំង៣នោះ ត្រូវបានអនុញ្ញាតឱ្យវិលត្រឡប់ទៅកាន់ប្រទេសចិនវិញ ដោយជិះយន្តហោះផ្សេងគ្នា។

មួយថ្ងៃមួយចុច ដើម្បីគាំទ្រពួកយើង ចុចទីនេះ

ប្រភពៈ shanghaiist