[ប្លែកៗ] ទារកលើយន្តហោះ! ស្ត្រីម្នាក់បានផ្តល់កំណើតឲ្យកូនលើយន្តហោះ [មានវីដេអូ]

បរទេស៖ ក្រុមអាកាសយានិកនៃជើងហោះហើរ ទៅកាន់ ទីក្រុង Los Angeles នៃក្រុមហ៊ុនអាកាសចរណ៍ China Airlines បានជួយដោះស្រាយនឹងការស្នើរសុំដ៏កំរមួយ របស់អ្នកដំណើរ គឺជួយសម្រាលកូនឲ្យស្ត្រីម្នាក់នៅលើយន្តហោះ ក្នុងគណៈពេលដែរយន្តហោះកំពុងតែហោះយ៉ាងខ្ពស់លើមហាសមុទ្រប៉ាស៊ីហ្វិក។

ស្ត្រីជនជាតិតៃវ៉ាន់ម្នាក់ បានប្រាប់បញ្ហានេះទៅអ្នកបម្រើការលើយន្តហោះ បន្ទាប់មកនាវិកបានធ្វើសេចក្តីប្រកាសមួយសម្រាប់ស្វែងរកគ្រូពេទ្យដើម្បីជួយ។ ជាបុណ្យសំណាងល្អមានមនុស្សប្រុសម្នាក់ដែរមានជំនាញខាងនឹង គាត់ក៏បានជួយសម្រួលដ៏ការចាប់កំណើតរបស់ទារកស្រីនោះ។

អ្នកធ្វើដំណើរម្នាក់ ឈ្មោះ Amira Rajput, បានថតវីដេអូទុក បន្ទាប់ពីការទារកនោះបានកើតចេញមក អ្នករួមដំណើរដ៏ទៃទៀតទះដៃអប់អរសាទរ ហើយអ្នកបម្រើការលើយន្តហោះមានភាពសប្បាយរីករាយណាស់ផងដែរ។

លោក Rajput បានប្រាប់សារព៍ត៌មាន ABC ថា " វាមានការលំបាកបន្តិចក្នុងការបង្កើតកូនឲ្យស្រ្តីនោះ ដោយសារតែនាងរើបម្រាស់ខ្លាំងពេក " ។

បន្ទាប់ពីផ្តល់កំណើតហើយ, យន្ដហោះបានចុះចតបន្ទាន់នៅព្រលានយន្តហោះដែលនៅជិតបំផុតគឺ Anchorage រដ្ឋ Alaska។ ភ្នាក់ងារល្បាតព្រំដែនបានឡើងលើយន្តហោះ ហើយបានសួររកមើលលិខិតឆ្លងដែនរបស់ស្ត្រីផ្តល់កំណើតនោះ។ ម្តាយនិងកូនស្រីត្រូវបានដឹកយកទៅកាន់មន្ទីរពេទ្យ ហើយពេលឥឡូវទារកស្រីតូចនោះ បានសញ្ញាតិរបស់អាមេរិកជាផ្លូវការហើយ។