[តារា] បេក្ខភាពនារី ហ្វីលីពីនទាំងបួននាក់ក្នុងកម្មវិធីប្រឡងចម្រៀង X Factor បានប្រាប់ឲ្យដឹងថា ពួកគេសុទ្ធតែនៅក្រមុំបរិសុទ្ធ

ពួកគេកំពុងសម្តែងក្នុងកម្មវិធី X Factor

អង់គេ្លស៖ បេក្ខភាពរបស់កម្មវិធីប្រឡងចម្រៀងលំដាប់ថ្នាក់ពិភពលោក X Factor ដែលត្រូវបានគេឈ្មោះថា ជា កុលាបបួនទង "4th Power" ថី្មៗនេះពួកគេប្រាប់អាថ៌កំបាំងមួយឲ្យដឹងថា ពួកគេទាំងបួននាក់គឺជាក្រមុំបរិសុទ្ធ និងមិនដែលស្គាល់ស្នាមថើបជាលើកដំបូងនោះទេ ។
បេក្ខភាពជាជនជាតិហ្វីលីពីនទាំងបួននាក់នេះ គឺមាន Almira អាយុ ២៧ ឆ្នាំ Irene អាយុ ២៥ ឆ្នាំ Mylene អាយុ ២៣ឆ្នាំ និង ចុងក្រោយគឺ Celena អាយុ ១៩ ឆ្នាំ ដែលបានធើ្វឲ្យពិភពលោកស្គាល់គេកន្លងមក បានប្រាប់ឲ្យដឹងថា ពួកគេទាំងបួននាក់គឺប្រកាន់ខ្ជាប់នូវវិន័យដ៏តឹងរឹងណាស់របស់សាសនាកាតូលិក ។
ពួកគេទាំងបួនបានធំធាត់ទ្បើងក្នុងតំបន់ក្រីក្រមួយ ក្នុងទីក្រុង Santiago ជាមួយនឹងបងប្អួនស្រីបង្កើតពីរនាក់ទៀត ។ ពួកគេទាំងបួននាក់គឺតែងតែគោរពវិន័យសាសនា វិន័យគ្រួសារ គឺមិនចូលទៅជិតមនុស្សប្រុសទ្បើយ ។
Irene អាយុ ២៥ ឆ្នាំ ជាសមាជិកក្នុងក្រុមបានប្រាប់ថា "ពួកគេមិនដែលស្គាល់រសជាតិថើបទ្បើយពីប្រុសៗ ជនជាតិហ្វីលីពីន គឺមានវិន័យតឹងរឹងណាស់ ខុសគ្នាឆ្ងាយពីជនជាតិអង់គេ្លស ។ ខ្ញុំមិនដែលមានមិត្តប្រុសនោះ ទេ ហើយម្តាយរបស់យើងគឺតែងតែដើរតាមយើងជានិច្ច" ។
នាងក៏បានបនែ្ថមទៀតថា "ពួកយើងគឺកាន់សាសនាកាតូលិក គឺជាសាសនាមួយដែលអភិរក្សនិយម ដាច់ខាតយើងមិនសេពគ្រឿងស្រវឹងជាដាច់ខាត ហើយបេក្ខភាពប្រឡងដទៃទៀតមិនជឿថាពួកយើងនេះមិនចេះពិសារស្រា គឺសូម្បីតែបនិ្តច" ។
ម្តាយរបស់បេក្ខភាពស្រីហ្វីលីពីនទាំងបួននាក់នេះគឺមានការព្រួយប្រារម្ធដោយហេតុថា ពួកគេទាំងបួននាក់ត្រូវរស់នៅជាមួយបេក្ខភាពដែលជាបុរសក្នុងអំឡុងពេលវឹកហាត់ ។ នាងបានបន្តទៀតថា "ម្តាយរបស់យើងគឺប្រារម្ធពីយើងណាស់ អំពីការរស់នៅជាមួយបេក្ខភាពផេ្សងទៀតដែលជាមនុស្សប្រុស ប៉ុន្តែយើងក៏បានសន្យាជាមួយគាត់ហើយថា នឹងប្រកាន់ឥរិយាបថរបស់ខ្លួនឲ្យល្អ ។ ម្តាយរបស់បានប្រាប់យើងថា "បេក្ខភាពបុរសនៅទីនេះសុទ្ធតែមនុស្សល្អ ប៉ុនែ្តចិត្តការពារខ្លួនរបស់យើងគឺមិនត្រូវខ្វះ ។
ពួកយើងត្រូវតែឈ្នះនៅការប្រកួតនេះ ព្រោះថាពួកគេពិតជាចូលចិត្តរស់នៅក្នុងទីក្រុងឡុងនេះណាស់ " ។