[តារា] រឿងពិតនៃការចាកចេញរបស់ Jessica ពីក្រុមចម្រៀង Girl's Generation

Jessica ថតបង្ហាញពីផលិតផលរបស់នាង

កូរ៉េៈ ក្រោយពីអតីតសមាជិកក្រុមចម្រៀង Girls Generation ឈ្មោះ Jessica បានចាក់ចេញ​ពីក្រុមទៅ មហាជនតែងតែស្វែងរកនៅរឿងរ៉ាវនាៗ ហើយយកមកលាតត្រដាងជាសាធារណៈ ដូចជា Jessica បានថតវិឌីអូចុងក្រោយរបស់នាងឲ្យក្រុម Girl Generation គឺបទ​ “Catch Me If You Can” ប៉ុន្តែរូបភាពរបស់នាងត្រូវបានកាត់ចោលដោយមិនបង្ហាញនៅក្នុងវិឌីអូដែរ​បានផ្សព្វ​ផ្សាយជាសាធារណៈទេ។

លើសពីនេះទៀត គេបានដឹងថានាង Jessica និងប្អូនរបស់នាង Krystal បានបញ្ចប់ការថត​អាល់ប៊ុមមួយហើយ ប៉ុន្តែត្រូវបានមិនឲ្យចេញជាសាធារណៈវិញ ។

@RealSamchon អ្នកដែរដឹងរឿងច្រើនរបស់ក្រុមចម្រៀង Girls Generation បានបង្ហាញការពិតពីការចាកចេញរបស់ Jessica នៅលើបណ្តាញសង្គម Twitter ថា Jessica មានគម្រោងសម្រាកបន្ទាប់ពីបញ្ចប់ការប្រគំតន្រ្តី Dome នៅថ្ងៃទី ២៤ ខែ៩ បន្ទាប់មកនឹងចាកចេញពីក្រុមតែម្តង។ ពេលនោះសមាជិកទាំងអស់ មានការភ្ញាក់ផ្អើល​លឺថា Jessica ចង់ចាកចេញ បន្ទាប់មកសមាជិកទាំងអស់បានធ្វើការតាំងចិត្ត និងត្រៀមចិត្ត​សំរាប់ការចាកចេញរបស់ Jessica ដោយមានគម្រោងរៀង Concert សំរាប់ការចាកចេញ​របស់ Jessica។ ហើយពួកគេក៏បានសម្រេចចិត្តថតបទចម្រៀងពីរបទ សំរាប់ការចាកចេញ របស់​ Jessica គឺ “Catch Me If You Can” និង “Divine” ។

ទោះបីជា​យ៉ាង​ណាក្រោយពី Jessica បានគិតពិចារណាជាថ្មី នាងបានចង់ត្រលប់ចូលក្រុមវិញ​ប៉ុន្តែត្រូវបានសមាជិកក្នុងក្រុមទាំងអស់បដិសេធ មិនចង់ឲ្យនាងចូលក្រុមវិញទៀតទេ។

តើនេះជាកំហុសរបស់នាង ឬក៏សមាជិកក្នុងក្រុមទាំងមូល?

ប្រភពៈ koreaboo