[សង្គម] សូមប្រយ័ត្ន!! បុរសម្នាក់បានបង្កើតកម្មវិធី លួចមើលសកម្មភាពសិចតាមកាមេរ៉ាកុំព្យូទ័រ

ពួកអ្នកលួចឯកសារ (Hacker)

បរទេសៈ លោក Stefan Rigo 33 ឆ្នាំ បានប្រើមេរោគ malware មួយឈ្មោះ Blackshades ដើម្បីឱ្យគាត់អាចចូលទៅត្រួតពិនិត្យលើកាមេរ៉ារបស់អ្នកប្រើប្រាស់កុំព្យូទ័របានយ៉ាងស្រួល ហើយគាត់បានបានចំណាយពេលប្រាំម៉ោង ទៅដប់ពីរ ម៉ោង ក្នុងមួយថ្ងៃ ដើម្បីចាំមើលមនុស្សកំពុងធ្វើអ្វីនៅមុខកុំព្យូទ័ររបស់ពួកគេ។

NCA នេះបានឱ្យដឹងថា Hacker រូបនេះបានញៀនទៅនឹងការតាមដាន និងពិនិត្យមើលរាល់សកម្មភាពរបស់ជនរងគ្រោះ (អ្នកប្រើប្រាស់កាមេរ៉ាកុំព្យូទ័រ) ដែរជាមនុស្សដែរលោកស្គាល់ និងមនុស្សដែរលោកមិនស្គាល់នៅជុំវិញពិភពលោក។

Hacker ឈ្មោះ Rigo ត្រូវបានគេពន្យារពេលការកាត់ទោសជាប់ពន្ធនាគារ ៤០ សប្តាហ៍, ប៉ុន្តែជាពិរុទ្ធជនបន្ទាប់ពីគាត់បានសារភាពនៅក្នុងសវនាការ។

អ្នកនាំពាក្យម្នាក់បាននិយាយថា Rigo ត្រូវបានចាប់ខ្លួននៅ ខែវិច្ឆិកា ឆ្នាំមុន ពីបទអ្នកបង្កើត នឹងប្រើកម្មវិធីតាមដានពីចម្ងាយ, ត្រួតពិនិត្យ និងលួចទិន្នន័យពីកុំព្យូទ័រ។

ប៉ូលីសបានប្រាប់ថាជនជាប់ចោទ បានប្រើប្រាស់គណនេយ្យធនាគារអតីតមិត្តស្រី សម្រាប់បង់ប្រាក់ទាញយកមេរោគ Blackshades ដែលអាចផ្តល់ការត្រួតពិនិត្យពេញលេញនៅលើកុំព្យូទ័រគ្រប់គោលដៅ និងគ្រប់ទីកន្លែងនៅក្នុងពិភពលោក។

កម្មវិធីនេះអាចបញ្ជាបើក និងបិទកាមេរ៉ារបស់ជនរងគ្រោះ, អាចចូលមើលព័ត៌មានធនាគារ និងមើលព័ត៌មានផ្ទាល់ខ្លួន, អាចទាញយកឯកសារ ហើយអាចបង្ករជាការរំខានដល់អ្នកប្រើប្រាស់កុំព្យូទ័រ ដែរហៅថា (Denail-of-Service)។

អ្នកនាំពាក្យ NCA បានឆែកមើលឯកសារនៅក្នុងកុំព្យូទ័ររបស់ Rigo ហើយបានរកឃើញរូបភាព និងវីឌីអូសកម្មភាពផ្លូវភេទថតបានតាមកម្មវិធី Skype ឬតាមកាមេរ៉ាកុំព្យូទ័ររបស់ពួកគេ។

លោកបានថ្លែងថាជនជាប់ចោទបានសារភាពថាបានប្រើប្រាស់មុខងាររបស់ Blackshades ដែលអនុញ្ញាតឱ្យគាត់ ត្រួតពិនិត្យនិងតាមដានគ្រប់កុំព្យូទ័រកាមេរ៉ាបានយ៉ាងសម្ងាត់ និងអាចលួចលេខសម្ងាត់ និងព័ត៌មាននាៗនៅក្នុងសារអេឡិចត្រូនិចបានទៀតផង។

NCA បានសន្យាថា “អ្នកប្រើប្រាស់កម្មវិធី ឬឧបករណ៍ទាំងនេះកំពុងត្រូវបានបន្តរកឃើញ ដោយពួកយើងបានខិតខំប្រឹងប្រែងដើម្បីលុបបំបាត់អំពើខុសច្បាប់បែបនេះ” ៕